डाबरको महमा पुनः कैफियत, कार्वाही माग

वीरगन्ज । ठूला करदाताका रुपमा चिनिने डाबर नेपालले उत्पादन गरेको खाद्यबस्तु ‘मह‘मा पुनः अखाद्यबस्तु फेला परेको छ । खाद्य प्रविधि तथा गुण नियन्त्रण कार्यालयले नमूना संकलन गरी जनकपुर खाद्य प्रयोगशालामा परीक्षणका लागि पठाएको महमा कैफियत फेला परेको भनी जिल्ला प्रशासन कार्यालय बारामा कार्वाहीको माग समेत गरिएको खुलेको हो ।

गएको मंसिरमा पनि डाबर नेपालले १२.२४ मा उत्पादन गरेको महको व्याच नं. एनबी ००४२१ लटको, २५० ग्रामको शिलप्याक बट्टामा कमिला र किरा फेला परेको भेटिएको थियो । सो समयमा उपभोक्ताको हितमा काम गर्ने अधिकारकर्मीहरुले बाणिज्य आपूर्ति तथा उपभोक्ता संरक्षण कार्यालयमा खोजपड्ताल गर्न उजुरी दिए पनि उद्योगमा अनुगमन गर्न पुगेको नियामक निकायका व्यक्तिलाई डाबर नेपालले सो व्याचको नमूना नै उपलब्ध नगराई नष्ट गरेर रित्तो हात फर्काको तथ्य बाहिर आएको थियो ।