नयाँ ऐनअनुसार ११ हजारले नागरिकता लिए 

जन्मका आधारमा नागरिकता लिनेहरूका सन्तान चार लाखको हाराहारी र बाबुको पहिचान नखुलेको आमाबाट जन्मेका सन्तान करिब एक लाख रहेको अनुमान

नयाँ नागरिकता ऐनअनुसार मुलुकभर झन्डै ११ हजार नयाँ नागरिकता वितरण भएका छन् । राष्ट्रपतिबाट प्रमाणीकरण भएको नागरिकता विधेयक लागू गर्न मिल्ने गरी ७ असारमा सर्वोच्च अदालतले बाटो खुला गरेपछि नयाँ कानुनअनुसार देशभर नागरिकता वितरण सुरु भएको थियो ।