रवि–बालेन बिचको ट्रस्ट व्यवहारले नै देखाउँछ : सस्मित पोखरेल

चितवन। राष्ट्रिय स्वतन्त्र पार्टीका नेता तथा शिक्षामन्त्री सस्मित पोखरेलले सभापति रवि लामिछाने र वरिष्ठ नेता तथा प्रधानमन्त्री बालेन्द्र (बालेन) शाहबिच आपसमा अत्यन्त राम्रो ट्रस्ट रहेको बताएका छन् ।

भरतपुरस्थित महाधिवेशन स्थलमा सञ्चारकर्मीसँग कुरा गर्दै उनले पार्टीमा रवि बालेन पक्ष भन्ने केही नरहेको बताए । ‘रवि–बालेन पक्ष भन्ने केही पनि छैन हाम्रो पार्टीमा । जे हुन्छ लोकतान्त्रिक प्रक्रियाबाट हुन्छ’, उनले भने– ‘यदि बाहिर कुरा नमिलेको भए स्टेजमा पनि कुरा मिल्दैन । स्टेजमा मिलेर हामी नाटक मञ्चन गरेको त होइन ।’