अब एटीएमबाटै १०० रुपैयाँका नोट निकाल्न सकिने

काठमाडौं । अब बैंकको काउन्टरमा लामो लाइन बस्नुपर्ने झन्झट केही कम हुने भएको छ । नेपाल राष्ट्र बैंकले बैंक तथा वित्तीय संस्थाका एटीएमबाट पनि १०० रुपैयाँ दरका नोट उपलब्ध गराउने व्यवस्था गर्न निर्देशन दिएको छ ।

चाडपर्व नजिकिँदै गर्दा बैंकका शाखाहरूमा बढ्ने भीड व्यवस्थापन गर्न तथा सर्वसाधारणलाई साना दरका नोट सहज रूपमा उपलब्ध गराउने उद्देश्यले राष्ट्र बैंकले यस्तो व्यवस्था गर्न भनेको हो ।