खोटाङको हलेसी र सदरमुकाम दिक्तेलस्थित कालिका भगवतीलाई धार्मिक पर्यटनमार्फत जोड्ने तयारी

किरात, हिन्दू र बौद्ध धर्मावलम्बीहरूको आस्थाको केन्द्र रहेको खोटाङको हलेसी र सदरमुकाम दिक्तेलस्थित कालिका भगवती मन्दिरलाई धार्मिक पर्यटनमार्फत जोड्ने तयारी थालिएको छ।

यसै सन्दर्भमा, हलेसी तुवाचुङ नगरपालिका र दिक्तेल रुपाकोट मझुवागढी नगरपालिकाले धार्मिक पर्यटकीय प्रवद्र्धनका लागि आपसी सहकार्य गर्ने प्रतिबद्धता जनाएका छन्।