केवलकार विवाद: आन्दोलनरत पक्षलाई सरकारको आग्रह– ‘वार्तामा बसौं, समस्या समाधान गरौं’

ताप्लेजुङको पाथिभरा क्षेत्रमा निर्माणाधीन केवलकार परियोजनासँग सम्बन्धित विवाद समाधानका लागि सरकारी वार्ता टोलीले आन्दोलनरत पक्षलाई पुनः वार्तामा आउन आग्रह गरेको छ।

गृह मन्त्रालयद्वारा गठित वार्ता टोली र आन्दोलनरत पक्षबीच माघ २२ गते भएको ६ बुँदे सहमति अनुरूप माघ २७ गते थप छलफल गरिएको थियो। सो छलफलमा उठाइएका विषयहरूलाई स्पष्ट पार्दै, वार्ता टोलीले संवादकै माध्यमबाट समस्याको समाधान खोज्न आग्रह गरेको छ।