बारीबाट हराउँदै भटमास, तराईबाट किन्नुपर्ने बाध्यता

तेह्रथुम । केही वर्षअघिसम्म तेह्रथुमका गाउँबस्तीका बारीमा बाक्लै देखिने भटमासका बोट अहिले विरलै भेटिन्छन्। म्याङलुङ आसपासका क्षेत्रमा कुनै समय प्रमुख दलहन बालीका रूपमा लगाइने भटमास पछिल्लो दशकमा खेती क्षेत्र र उत्पादन दुवै घट्दै गएपछि लोपोन्मुख अवस्थामा पुगेको छ।

स्थानीयका अनुसार खेती प्रणालीमा आएको परिवर्तन, रासायनिक मलको बढ्दो प्रयोग तथा मकैजस्ता अन्य बालीप्रतिको आकर्षणले भटमास खेतीलाई विस्थापित गर्दै लगेको हो।