जलवायु संकटको चक्रव्यूहमा नेपाल, इतिहासकै गम्भीर संकट

काठमाडौंँ । विश्व मौसम विज्ञान सङ्गठन (डब्लुएमओ)ले ‘स्टेट अफ द क्लाइमेट इन एसिया २०२५’ को प्रतिवेदन सार्वजनिक गरेको छ । प्रतिवेदनले नेपालसहित समग्र दक्षिण एसियाली क्षेत्र तीव्र जलवायु परिवर्तनको गम्भीर चपेटामा परेको तथ्य देखाएको छ ।

हिजो प्रकाशित प्रतिवेदनअनुसार विश्वव्यापी औसत तापमान वृद्धिको तुलनामा एसियाली क्षेत्र, विशेष गरी हिन्दकुश हिमालय क्षेत्रमा तापमान वृद्धिको दर दोब्बर गतिमा भइरहेको छ । यस तीव्र तापमान परिवर्तनले नेपालका हिमनदीहरूलाई सङ्कटमा पारेको छ । यस्तै दक्षिण एसियाका तटीय क्षेत्रहरूमा समुद्री सतहको वृद्धि र चरम मौसमी विपद्का घटनाहरू अभूतपूर्व रूपमा बढिरहेका छन् ।