आइसीयुमा उपचाररत व्यक्तिको अन्तर्वार्ता प्रसारणप्रति प्रेस काउन्सिलको ध्यानाकर्षण

काठमाडौं– रसुवाको भोटेकोशीमा आएको बाढीपछि उद्धार गरी अस्पतालको सघन उपचार कक्षमा उपचाररत व्यक्तिको अन्तर्वार्ता लिएर युट्युबमार्फत प्रसारण गरिएको सामग्रीप्रति प्रेस काउन्सिल नेपालले ध्यानाकर्षण जनाएको छ ।

काउन्सिलले सोमबार विज्ञप्ति जारी गर्दै त्रिशूली–३ ‘ए’ जलविद्युत् आयोजनाबाट १० दिनपछि उद्धार गरिएका एक व्यक्तिसँग अस्पतालको सघन उपचार कक्षमै अन्तर्वार्ता लिई ‘इनसाइड द बंकर’ नामक युट्युब च्यानलबाट सामग्री प्रसारण गरिएको विषय जानकारीमा आएको जनाएको हो ।