कांग्रेस विवाद मिलाउन कोइरालाको प्रस्ताव : वार्ताबाटै समाधान खोजौँ

नेपाली कांग्रेसभित्रको विवाद समाधानका लागि संस्थापन इतर समूहका नेता डा. शशाङ्क कोइरालाले संवाद र वार्तालाई प्राथमिकता दिनुपर्ने बताएका छन् ।

चुनदेवीमा सोमबार आयोजित पत्रकार सम्मेलनमा कोइरालाले कांग्रेसलाई विभाजनतर्फ जान नदिई एकताबद्ध बनाएर अघि बढाउने आफ्नो पक्षको उद्देश्य रहेको स्पष्ट पारे । उनका अनुसार पार्टीभित्र देखिएका मतभेद समाधान गर्ने प्रभावकारी बाटो वार्ता नै हो ।