लाइसेन्समा विवरण गलत छ ? अब अनलाइनबाटै यसरी सच्याउनुहोस्

काठमाडौं । सवारी चालक अनुमतिपत्र (ड्राइभिङ लाइसेन्स) मा नाम, ठेगाना, जन्ममिति, नागरिकता नम्बरलगायत विवरण गलत छ भने अब यातायात कार्यालय धाइरहनुपर्ने बाध्यता कम हुने भएको छ ।

यातायात व्यवस्था विभागले लाइसेन्समा रहेका व्यक्तिगत विवरण अनलाइन प्रणालीमार्फत सच्याउन सकिने सुविधा सञ्चालनमा ल्याएको छ । विभागले चालु आर्थिक वर्षदेखि प्रयोगमा ल्याएको नयाँ ईडीएलभिआरएस प्रणालीमा भदौदेखि ‘लाइसेन्स सच्याउने आवेदन’ सुविधा थप गरेको हो ।