बन्थलीमा एमाले मन्थन- शंकरको प्रतिवेदनमा बहुमत हुँदाहुँदै किन पारित भएन ?

काठमाडौं । नेकपा एमालेले गठन गरेको निर्वाचन समीक्षा तथा पार्टी पुनर्गठन कार्यदलको प्रतिवेदनलाई अन्तिम रूप दिन काभ्रेको पनौती ११, बल्थलीस्थित एक होटलमा आवासीय बैठक सम्पन्न भयो । त्यहाँ पेश भएका दुईमध्ये महासचिव शंकर पोखरेलको प्रतिवेदनका पक्षमा बहुमत सदस्य थिए । तर, त्यसलाई पारित गरिएन ।

‘वर्तमान संकटको हल बहुमत र अल्पमतले हुँदैन, व्यक्तिभन्दा माथि संकट छ’, बैठकमा सहभागी एक नेताले भने, ‘शंकर पोखरेलको प्रतिवेदनलाई पारित गरौँ भन्दा कुनै समस्या थिएन, तर त्यसो गरेपछि अर्को संकट निम्तिने भयो ।’ अर्थात्, व्यक्तिहरूको बहिर्गमनबाहेकका समाधानमा जानुपर्ने अध्यक्ष केपी शर्मा ओली पक्षले पेश गरेको संशोधित प्रतिवेदनको सार र उक्त पक्षको व्यवहारका कारण बैठकले ‘पेलपाल’ को नीति नलिएको ती नेताले बताए ।