जितपुर सिमरा नगर उद्योग वाणिज्य संघ अध्यक्षमा गुप्ता

८ असार, बारा । बाराको जितपुरसिमरा नगर उद्योग वाणिज्य संघको अध्यक्षमा गजेन्द्र गुप्ता निर्वाचित भएका छन् । संघको तेस्रो अधिवेशन अन्तर्गत आइतबार भएको मतदानमा युवा व्यवसायी गुप्ताको प्यानलै विजयी भएको हो ।

सोमबार सार्वजनिक मत परिणाममा अर्का उम्मेदवार मनोजकुमार गुप्तालाई ३३० मतको फराकिलो अन्तरले पराजित गर्दै गजेन्द्रले जितपुरसिमराको नेतृत्व हत्याए । गजेन्द्रले अध्यक्ष पदमा ५२९ मत प्राप्त गर्दा अर्का उम्मेदवार मनोजकुमारले १९९ मत ल्याए ।