वडाध्यक्षमाथि दुर्व्यवहार गर्ने पत्रकारलाई निलम्बन, आचारसंहिताको पूर्ण पालना गर्न पत्रकार महासंघको आह्वान

महेन्द्रनगर । भीमदत्त नगरपालिका–१८ का वडाध्यक्ष रवीन्द्र देवकोटामाथि सार्वजनिक कार्यक्रममा दुर्व्यवहार तथा हातपात गरेको आरोप लागेपछि पत्रकार ऐश्वर्या कुँवरलाई नेपाल पत्रकार महासंघ कञ्चनपुर शाखाले सदस्य पदबाट निलम्बन गरेको छ।

महासंघका जिल्ला शाखा सचिव कुन्दन पाण्डेयद्वारा जारी विज्ञप्तिअनुसार असार ७ गते महेन्द्रनगरस्थित होटल स्वीट ड्रीममा समाचार सङ्कलनका क्रममा पत्रकार कुँवरले वडाध्यक्ष देवकोटामाथि गरेको दुर्व्यवहार र हातपातको घटनाप्रति महासंघको गम्भीर ध्यानाकर्षण भएको जनाएको छ।