फिलिपिन्सको विद्यालयमा गोलीबारी, तीन विद्यार्थीको मृत्यु

मनिला । मध्य फिलिपिन्सको टाक्लोबानस्थित सान होसे नेशनल हाई स्कुलमा भएको गोलीकाण्डमा तीन जना विद्यार्थीको मृत्यु भएको छ भने अन्य केही घाइते भएका छन्।

प्रहरीका अनुसार १४ र १५ वर्ष उमेरका दुई विद्यार्थीले विद्यालयभित्र गोली चलाएका थिए । अनुसन्धानकर्ताहरूले उनीहरूलाई विद्यालयमा भएको दुर्व्यवहार (बुलिङ) का कारण उत्पन्न भएको रिस वा प्रतिशोधले यस्तो घटना गराएको हुन सक्ने बताएका छन् ।