अधिकारीले विश्वासको मत लिने

पोखरा । ‘हामीले जसरी पनि बहुमत पु-याएर विश्वासको मत लिन्छौं । यही सरकारले निरन्तरता पाउनेछ ।’गण्डकीका मुख्यमन्त्री खगराज अधिकारीले आइतबार विश्वासको मत लिने तयारी गरिरहँदा एमाले संसदीय दलका नेता प्रमुख सचेतक गोविन्दबहादुर नेपालीको दाबी हो, यो ।

उनको दाबीलाई विश्वास गर्ने हो भने ६० सदस्यीय गण्डकी प्रदेश सभामा सत्तारुढ दलको बहुमत छैन । आफ्नो दलका २२, सभामुखसहित माओवादीका ८ र स्वतन्त्र सांसद राजीव गुरुङ (दीपक मनाङे) गनेर गत २५ चैतमा मुख्यमन्त्री दाबी गरेका एमाले संसदीय दलका नेता अधिकारीलाई प्रदेश प्रमुख डिल्लीराज भट्टले सोही दिन नेपालको संविधान धारा १६८(२) बमोजिम मुख्यमन्त्री नियुक्ति गरेका थिए ।