विवादित धर्मगुरुलाई कोटीहोम गर्न नदिने महानगरको घोषणा

विवादित धर्मगुरु विजय कृष्णमूर्तिले पोखराको प्रमुख पर्यटकीय क्षेत्र लेकसाइडको बाराही घाटमा आउँदो चैत १ देखि जेठ ३० गतेसम्म ‘श्री गण्डकी शत (सय) कुण्डीय गायत्री कोटीहोम विराट महायज्ञ’ आयोजना गर्ने घोषणा गरे।

महायज्ञ आयोजनाको लागि कृष्णमूर्ति नेतृत्वको टोलीले नेपाल ट्रस्टको जग्गा भाडामा लियो। ४८ रोपनी जग्गाको भाडाबापत् नेपाल ट्रस्टले ११ लाख ५९ हजार रुपैयाँ भाडा पनि बुझ्यो।