उहाँ भन्नुहुन्थ्यो– जीवन भ्रम हो !

आख्यानकार परशु प्रधानको पार्थिव देह आँगनमा थियो । चिरनिद्रामा रहनुभएका उहाँप्रति श्रद्धापुष्प अर्पण गर्दै थिए, साहित्यकार र अरू आगन्तुक ।

पवन आलोक, विधान आचार्य, चेतनाथ कँडेल, किशोर पहाडी, शेखर खरेलसहितका हामी एक छेउमा थियौँ । पवन आलोकले भन्नुभयो, ‘परशु दाइ मेरा लागि प्रेरणाको स्रोत हुनुहुन्थ्यो । साहित्यमा मेरा गुरु हुनुहुन्थ्यो । अभिभावक हुनुहुन्थ्यो । उहाँकै प्रेरणाले आज म साहित्यमा छु ।’