ट्रस्ट माइक्रो इन्स्योरेन्स कम्पनीको शुभारम्भ

बुटवल । ट्रस्ट माइक्रो इन्स्योरेन्स कम्पनीको शुभारम्भ गरिएको छ । रुपन्देहीको तिलोतमा २ जानकीनगरमा शुक्रबार एक समारोहका बिचमा माइक्रो इन्स्योरेन्सको लुम्बिनी प्रदेशका निवर्तमान मुख्यमन्त्री तथा प्रदेशसभा सदस्य लीला गिरीले उद्घाटन गर्दै आर्थिक समृद्धिका लागि मुलुकमा रोजगारी सिर्जना गर्नुपर्ने उल्लेख गरे ।

उनले कृषि क्षेत्रलाई अगाडि बढाउन सकेमा सहजै समृद्धिको सपना पूरा हुने दाबी गरे। नेपालीहरूलाई बीमाको मूलधारमा ल्याउन जरुरी रहेको भन्दै लगानी सुरक्षितका लागि पनि बीमा अनिवार्य रहेको उल्लेख गरे।