इन्द्रजात्राको तयारी: भक्तपुरको नालाबाट काठमाडौं भित्र्याइँदै इन्द्रध्वजाको रूख

काठमाडौं उपत्यकाको ऐतिहासिक एवं सांस्कृतिक पर्व इन्द्रजात्राका लागि हनुमानढोकामा ठड्याइने परम्परागत लिङ्गो (इन्द्रध्वजा) का लागि रूख काठमाडौंतर्फ ल्याइएको छ।

भक्तपुरको नालास्थित वनबाट तान्त्रिक तथा परम्परागत विधिपूर्वक काटेर ल्याइएको उक्त रूखलाई सूर्यविनायक हुँदै राजधानी भित्र्याइएको हो।