विद्युत् महसुल समायोजन तयारीः वर्षा र सुक्खायामका लागि छुट्टाछुट्टै मूल्य

काठमाडौँ । नेपाल सरकारले हाल प्रचलनमा रहेको पुरानो विद्युत महसुल संरचनालाई परिमार्जन गर्दै नयाँ महसुल दर कायम गर्ने तयारी थालेको छ ।

ऊर्जा जलस्रोत तथा सिँचाइ मन्त्रालय, नेपाल विद्युत् प्राधिकरण र विद्युत नियमन आयोगबिचमा यस विषयमा घनीभूत छलफल भइरहेको छ । यस पटकको समायोजनको मुख्य विशेषता भनेको ‘सिजनल टेरिफ’ अर्थात् मौसमी महसुल प्रणाली लागू गर्नु हो, जसअन्तर्गत वर्षायाम र सुक्खायामका लागि बिजुलीको मूल्य फरक–फरक हुनेछ ।