ऐतिहासिक गोर्खे बजार संरक्षण गर्न कोशी प्रदेश प्रमुख खापुङको जोड

कोशी प्रदेश प्रमुख पर्शुराम खापुङले इलामको ऐतिहासिक गोर्खे बजारलाई पुनर्जीवन दिइनुपर्ने बताएका छन् । अनौपचारिक भ्रमणमा इलाम आएका खापुङले सोमबार सूर्योदय नगरपालिका–१ स्थित गोर्खे बजार पुगेर पर्यटन, कृषि र उद्योगका दृष्टिले सम्भावनायुक्त यो ठाउँ ओझेलमा परेको बताए ।

पुरानो व्यापारिक केन्द्र गोर्खे बजारस्थित राम मन्दिर, नाकामुरा करिअप्पा ध्यान केन्द्र, नेपालकै पुरानो साना जलविद्युत् आयोजना (हाल बन्द)लगायत क्षेत्र अवलोकन गरेपछि वडा कार्यालयमा आयोजित छलफलमा उनले इतिहास बनाउन कठिन हुने जनाए । उनले पुर्खाले रचेको इतिहासलाई मासिन नदिन तीन तहका सरकार लाग्नुपर्ने पनि बताए ।