राष्ट्रिय मुवाँथाईमा रिजन पौडेल च्याम्पियन

बागमती प्रदेशका रिजन पौडेल र सुदूरपश्चिम प्रदेशकी मनीषाकुमारी राना क्षेत्री तेस्रो राष्ट्रिय मुवाँथाई प्रतियोगितामा च्याम्पियन भएका छन् ।

त्रिपुरेश्वरस्थित राष्ट्रिय खेलकुद परिषद् (राखेप) मा सोमबार भएको प्रतियोगितामा रिजनले पुरुष १८ वर्षमुनि ६३–६६ केजी तौलसमूहमा च्याम्पियन भएका हुन् । सुकेधाराको मर्निङ स्टार मुवाँथाईका खेलाडीसमेत रहेका रिजनले फाइनलमा शिहान कार्कीलाई हराए । मर्निङ स्टारकी ट्रेनर डेनिका राईले युवा फाइटर रिजनको प्रदर्शनले निकै उत्साहित बनाएको बताइन् । अन्य तौलसम्म पनि स्वर्ण प्राप्त हुने डेनिकाको विश्वास छ ।