बेलायत : एक दशकभित्र छैटौँ प्रधानमन्त्री बहिर्गमन

सन् २०२४ मा लेबर पार्टीलाई भारी बहुमतसहित चुनाव जिताएका किएर स्टार्मरले सोमबार बेलायतको प्रधानमन्त्री पदबाट राजीनामा दिएका छन्। बढ्दो राजनीतिक दबाबका बीच स्टार्मरले सप्ताहन्तमा गम्भीर सोचविचार गरेपछि यो निर्णय लिएको बताएका छन्।

प्रधानमन्त्रीको सरकारी कार्यालय तथा निवास १० डाउनिङ स्ट्रिटबाहिर सञ्चारकर्मीसँग कुरा गर्दै उनले भने, ‘म लेबर पार्टीको नेताको हैसियतबाट राजीनामा दिँदै छु। मैले आज बिहान महामहिम राजासँग कुरा गरी आफ्नो निर्णयबारे जानकारी गराएको छु।’