सन्धिखर्क नगरपालिकामा रजिस्टर हाजिरी हटाएर ई–हाजिरी सुरु

अर्घाखाँची । अर्घाखाँचीको सन्धिखर्क नगरपालिकाले हाजिरी रजिस्टर हटाएको छ । योसँगै ई–हाजिरीमा हातको ल्याप्चे लगाउन सुरु गरेको छ । नगरपालिकाभित्र मात्र नभई सबै वडा कार्यालयका कर्मचारी र स्वास्थ्य संस्थाका कर्मचारी सबै कतिकति बेला नगरपालिकामा आए आएन्न भनेर हेर्न सकिने प्रमुख प्रशासकीय अधिकृत खुमलाल भुसालले बताए ।

सुशासन र पारदर्शिता कायम गर्न नगरपालिकाको नयाँ प्रविधि प्रयोग गरेको उनले बताए । यस्तै, कर्मचारीको अनुपस्थितिको कारणले सेवाग्राहीको काममा कुनै पनि समस्या नदेखियोस् र कर्मचारी कार्यालय समयभित्र कतै जान नसकून् भनेर यो प्रविधि लागू गरिएको प्रमुख प्रशासकीय अधिकृत भुसालको भनाइ छ ।