जापानमा प्रथम हाकोने कप भलिबल प्रतियोगिता सम्पन्न : खुला र भेट्रान्स दुवैतर्फ पिरो स्पोर्ट्स क्लब च्याम्पियन

काठमाडौं । नेपाल कल्याण समाज जापानद्वारा आयोजित ‘प्रथम हाकोने कप भलिबल प्रतियोगिता २०२६’ भव्य रूपमा सम्पन्न भएको छ। जापानस्थित नेपाली समुदायबीच आपसी सद्भाव, भाइचारा तथा खेलकुद संस्कृतिको विकास गर्ने उद्देश्यले आयोजित प्रतियोगितामा विभिन्न क्लब तथा संस्थाहरूको उत्साहजनक सहभागिता रहेको थियो।

जापानको पर्यटकीय क्षेत्र हाकोनेमा सम्पन्न प्रतियोगिताको खुला पुरुषतर्फ ‘पिरो स्पोर्ट्स क्लब’ ले उपाधि जित्दै नगद ३,११,१११ येनसहित ट्रफी, मेडल र प्रमाणपत्र हात पारेको छ। ‘आदर्श युवा क्लब, सर्दाखेत’ उपविजेता बन्दै नगद २,११,१११ येनमा सीमित भयो।