प्रलोभन देखाएर क्यानडा, अजरबैजान र मोरिसस पठाइदिन्छु भन्दै १४ जनालाई ठगी गरेको आरोपमा दुई जना पक्राउ

आकर्षक तलबको प्रलोभन देखाएर क्यानडा, अजरबैजान र मोरिसस पठाइदिन्छु भन्दै १४ जनालाई ठगी गरेको आरोपमा दुई जना पक्राउ परेका छन्।

जिल्ला प्रहरी परिसर भक्तपुरले शुक्रवार सिन्धुपाल्चोक बाह्रबिसे नगरपालिका-७ घर भई हाल चाँगुनारायण नगरपालिका–२ दुवाकोट बस्ने ४१ वर्षीय गणेशबहादुर थापा र काभ्रेपलान्चोक नमोबुद्ध नगरपालिका–४ काफ्ले चोक घर भई हाल काभ्रेपलान्चोक बनेपा नगरपालिका–६ बस्ने ३९ वर्षीय दिनेशप्रसाद अधिकारी पक्राउ गरेको हो।