सदूरपश्चिम सरकारको नेतृत्व नाउपालाई !

काठमाडौं । प्रधानमन्त्री पुष्पकमल दाहाल ‘प्रचण्ड’ले नागरिक उन्मुक्ति पार्टी (नाउपा)लाई सुदूरपश्चिम प्रदेश सरकारको नेतृत्व गर्न प्रस्ताव गरेका छन् । साथै संघीय सरकारमा सहभागी हुन समेत प्रधानमन्त्री प्रचण्डको प्रस्ताव रहेको छ ।

प्रधानमन्त्री निवास बालुवाटारमा शनिबार प्रधानमन्त्री प्रचण्ड, नाउपाका अध्यक्ष रञ्जिता श्रेष्ठसहितका नेताहरूबीचमा भएको छलफलमा उनले यस्तो प्रस्ताव गरेका छन् । अघिल्लो गठबन्धनमा सहभागी नाउपालाई प्रधानमन्त्री प्रचण्डले अहिलेको नयाँ गठबन्धनमा सहभागी हुन र संघदेखि प्रदेशसम्म सहकार्य गर्दै अगाडि बढ्न प्रस्ताव गरेका छन् ।