भुटानका दुई राजनीतिक बन्दी रिहा, कागजात अभावमा नेपाल प्रवेश गर्न पाएनन्

काठमाडौँ । भुटानमा राजनीतिक बन्दीहरूको रिहाइका लागि विश्वव्यापी अभियानले १८ वर्षभन्दा बढी समयदेखि चामगाङ केन्द्रीय कारागारमा बन्दी जीवन बिताइरहेका चतुरमान तामाङ र हस्तबहादुर राईको रिहाइलाई स्वागत गरेको छ।

अभियानका अनुसार गत जुन १ मा जिग्मे खेसर नामग्येल वाङचुक ले दिएको आममाफीका आधारमा उनीहरू रिहा भएका हुन्। अभियानले यसलाई संयुक्त राष्ट्रसंघीय मानवअधिकार संयन्त्र, युरोपेली संघ तथा विभिन्न अन्तर्राष्ट्रिय मानवअधिकार संस्थासँग वर्षौंदेखि गरिएको वकालत र कूटनीतिक पहलको महत्वपूर्ण उपलब्धिका रूपमा व्याख्या गरेको छ।