कोशी प्रदेशको बजेट यथार्थपरक छैन, अंकगणितमै त्रुटि छ: पूर्वमुख्यमन्त्री राजेन्द्र राई

विराटनगर । कोशी प्रदेशका पूर्वमुख्यमन्त्री एवं नेपाली कम्युनिस्ट पार्टी (नेकपा)का नेता राजेन्द्र राईले प्रदेश सरकारले प्रस्तुत गरेको आगामी आर्थिक वर्षको बजेट यथार्थपरक नभएको र त्यसमा गम्भीर प्राविधिक एवं अंकगणितीय त्रुटि रहेको टिप्पणी गरेका छन् ।

कोशी प्रदेशसभाको सोमबार बसेको बैठकमा विशेष समय लिएर बोलेका सांसद राईले वर्तमान आर्थिक मन्दीको अवस्थालाई बेवास्ता गर्दै सरकारले हचुवाको भरमा महत्त्वाकाङ्क्षी बजेट ल्याएको आरोप लगाए ।