मेसीले बनाए सर्वाधिक गोलको ऐतिहासिक रेकर्ड

काठमाडौँ । विश्व फुटबलका जादुगर लियोनेल मेसीले फिफा विश्वकप इतिहासमा सबैभन्दा धेरै गोल गर्ने खेलाडीको कीर्तिमान आफ्नो नाममा लेखाएका छन् । सोमबार राति अमेरिकाको डालस स्टेडियममा भइरहेको अस्ट्रियाविरुद्धको खेलमा गोल गर्दै मेसीले जर्मनीका मिरोस्लाभ क्लोजको १६ गोलको रेकर्ड तोडेका हुन् ।

खेलको ९ औँ मिनेटमा पेनाल्टी मिस गरेर समर्थकहरूलाई केही निराश बनाएका मेसीले ३८ औँ मिनेटमा भने कुनै गल्ती गरेनन् । उनले एफ. मेदिनाको उत्कृष्ट पासलाई सदुपयोग गर्दै बललाई जाली चुमाए । यो गोलसँगै मेसीको विश्वकपमा कुल गोल संख्या १७ पुगेको छ, जुन विश्वकप इतिहासकै सर्वाधिक हो ।