घानाद्वारा ‘कोको’ किसानको मूल्यमा ऐतिहासिक वृद्धि

घानाको सरकारले आगामी आर्थिक वर्ष सन् २०२५/२६ का लागि ‘कोको’ खेती गर्ने किसानलाई तिर्ने मूल्यमा ६२.५८ प्रतिशतले वृद्धि गरेको छ । अब किसानहरूले प्रतिटन पाँच हजार ४० अमेरिकी डलर बराबरको रकम पाउनेछन्, जुन अघिल्लो प्रतिटन तीन हजार १०० डलरभन्दा निकै बढी हो ।

अर्थमन्त्री कासिएल एटो फोर्सनले सोमबार राजधानी अक्रामा आयोजित पत्रकार सम्मेलनमा भन्नुभयो,“हाम्रो देशको आर्थिक मेरुदण्ड किसान हुन्, विशेषगरी कोको उत्पादन गर्ने किसान । उहाँहरूलाई उनीहरूको पसिनाको उचित मूल्य दिलाउन यो सरकार प्रतिबद्ध छ ।”