प्रिमियर लिग : आर्सनल जित्दा नटिङघमलाई झट्का

काठमाडौं । इंग्लिश प्रिमियर लिग फुटबलमा आर्सनल, बर्नमथ, फुलहम र बे्रन्टफोर्ड विजयी भएका छन् । शनिबार राती भएका खेलमा अंक तालिकाको दोस्रो स्थानमा रहेको आर्सनले लेस्टर सिटीलाई २-० ले हराउँदा फुलहमले नटिङघम फोरेस्टलाई २-१ ले हरायो ।

यस्तै, बर्नमथले साउथह्याम्पटनलाई ३-१ ले पराजित गर्दा ब्रेन्टफोर्डले वेष्ट ह्याम युनाइटेडलाई १-० ले हरायो । एस्टन भिल्ला र इप्सविच टाउनले भने १-१ को बराबरी खेल्दै अंक बाँडे ।