ला लिगामा रियाल र एटलेटिको मड्रिड दुबैलाई ठक्कर, बराबरीले घट्यो अंक दुरी

काठमाडौं । स्पेनिस ला लिगा फुटबलमा शीर्ष स्थानको रियाल मड्रिड र दोस्रो स्थानको एटलेटिको मड्रिड दुबैलाई ठक्कर लागेको छ । शनिबार राती रियाललाई १-१ को बराबरीमा रोक्दै ओसासुनाले अंक खोस्यो ।

रियाललाई केलियन एम्बाप्पेले १५ औं मिनेटमा अग्रता दिलाएका थिए । तर, पहिलो हाफअघि ३९ औं मिनेटमा जुड बेलिङ्गहमले रातो कार्ड पाएपछि १० जनामा खुम्चिएको रियाल दबाबमा आयो ।