माथिल्लो मुस्ताङमा सञ्चार पनि टुट्यो

पोखरा । कागबेनी बाढीले तीन दिनदेखि उपल्लो मुस्ताङको सम्बन्ध टुटेको छ । साथै, बिजुली र सञ्चार सम्पर्कसमेत विच्छेद हुँदा स्थानीयले सास्ती भोगेका छन् ।

गत आइतबार आएको बाढीले माथिल्लो मुस्ताङ जोड्ने कालीगण्डकीमाथिको पुल बगाएको थियो भने बारागुङ मुक्तिक्षेत्र गाउँपालिका–३ छुसाङमा पुलको एप्रोच रोड बगाएको थियो । जसका कारण मुस्ताङको लोघकर दामोदरकुण्ड र लोमान्थाङ गाउँपालिकामा यातायातसँगै सञ्चार सम्पर्क विच्छेद छ ।