प्रेरक प्रसंग : बिरामीको सेवा र गुरुभक्ति

अमृतसरमा एक अनुभवी चिकित्सक बस्थे । उनी आफ्नो पेसाप्रति निकै इमानदार पनि थिए । एकपटक उनी गुरु गोविन्दसिंहको दर्शनका लागि आनन्दपुर पुगे । गुरुले उनलाई एक गुरुमन्त्र दिँदै भने– जाऊ, दीनदुःखीको सेवा गर । अन्य कुनै पनि कर्मभन्दा ठूलो र प्राथमिक दायित्व सेवा नै हो । यसैबाट जीवनमा सुखको द्वार खुल्छ । उनी घर फर्किए । पुनः चिकित्साकर्ममा संलग्न भए ।

जतिखेर जहाँबाट जस्तो अवस्थामा बिरामी आए पनि उनी आफ्नो धर्म सम्झेर सेवा गर्न तत्पर रहन्थे । सबैको प्रेमपूर्वक उपचार गर्थे । एकदिन बिहान सबेरै ती चिकित्सक पूजापाठ सकेर ध्यानमा बसेका थिए । गुरु गोविन्दसिंह उनलाई भेट्न भनी आनन्दपुरबाट उनको घरमै आइपुगे ।