सुनको भाउ ६ वर्षमा दोब्बर

काठमाडौं । नेपाली बजारमा बिहीबार सुनको मूल्यले फेरि नयाँ रेकर्ड राखेको छ । बिहीबार सुनको मूल्य प्रतितोला १ लाख ७ हजार ५ सय रुपियाँ पुगेसँगै हालसम्मकै उच्च मूल्यको रेकर्ड राखेको हो ।

बुधबार तोलामा ५ सय रुपियाँ बढेको सुनको मूल्य बिहीबार अघिल्लो दिनको तुलनामा प्रतितोला १२ सय रुपियाँ बढेको थियो । नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला १ लाख ७ हजार ५ सय तथा तेजाबी सुन प्रतितोला १ लाख ७ हजार रुपियाँमा कारोबार भएको थियो ।