कर्णालीमा एक महिनापछि सरकारले पायो पूर्णता, नवनियुक्त तीन मन्त्रीद्वारा शपथ ग्रहण

सुर्खेत । मुख्यमन्त्री मंगलबहादुर शाही नेतृत्वको कर्णाली प्रदेश सरकारले एक महिनाको पर्खाइपछि अन्ततः पूर्णता पाएको छ। सत्तासीन दल नेकपाभित्र मन्त्री चयनलाई लिएर चलेको आन्तरिक विवाद साम्य भएसँगै नवनियुक्त ३ जना मन्त्रीहरूले पद तथा गोपनीयताको शपथ लिएका छन्।

प्रदेश प्रमुख यज्ञराज जोशीले आज आयोजित विशेष समारोहमा तीनै जना मन्त्रीहरूलाई शपथ गराएका हुन्। नवनियुक्त मन्त्रीहरूमा मिलन खड्काले भौतिक पूर्वाधार तथा सहरी विकास, कल्याणी खड्काले उद्योग, पर्यटन, वन तथा वातावरण र जुम्कित लामाले भूमि व्यवस्था, कृषि तथा सहकारी मन्त्रालयको जिम्मेवारी पाएका छन्।