...त्यसैले मलाई शनिबार मन पर्दैन

'तिमीले आफैँले लेखेको हो त्यो लेख ? राम्रो लेख्दा रै'छौ त ! सरल शब्द र प्रस्ट आशय कमैमा देखिन्छ आजकाल, निखार्दै लैजानू है । उपन्यास लेख्या'छौ ? लेख न, सायद मज्जाले लेख्न सक्छौ ? कोसिस गरी हेर ल !'

कसैले एकैपल्ट आफ्नो यस्तो प्रशंसा गरेको देखेर म दङ्ग पर्दै थिएँ । हुन त जब लेख्न थालेँ, म्यासेज बक्सहरू म तपाईंको फ्यान, पाठक भनेर आएका सन्देशले भरिन थाले । यो कुनै नौलो कुरा नै थिएन ।