फूड प्वाइजनिङको खतरा बढ्यो ! ब्याक्टेरियामा एण्टिबायोटिक औषधि प्रभावहीन बन्दै गएको खुलासा

काठमाडौँ । ब्याक्टेरियामाथि एण्टिबायोटिक औषधिहरूको असर कम हुँदै गएकोले फूड प्वाइजनिङको खतरा तीव्र रूपमा बढिरहेको एक नयाँ अध्ययनले देखाएको छ । विश्वव्यापी रूपमा जलवायु परिवर्तन अब केवल मौसम वा वातावरणको समस्या मात्र नभई मानव स्वास्थ्यका लागि पनि ठुलो चुनौती बन्दै गएको छ ।

नयाँ अध्ययनअनुसार बढ्दो तापक्रम र बदलिँदो वर्षाको ढाँचाले ब्याक्टेरियालाई अझ खतरनाक बनाइरहेका छन् । जसका कारण एण्टिबायोटिक औषधिहरूको प्रभाव घट्दै गएको छ र सङ्क्रमणको उपचार झनै कठिन बन्दै गएको छ । यो अनुसन्धान विशेषगरी फूड प्वाइजनिङजस्ता रोगहरूको प्रमुख कारण मानिने साल्मोनेला ब्याक्टेरियामाथि केन्द्रित थियो । वैज्ञानिकहरूका अनुसार समयमै उचित कदम नचालिए भविष्यमा यो समस्या अझ गम्भीर बन्न सक्छ ।