सम्पत्ति छानविन आयोगमा अपेक्षाभन्दा कम संख्यामा मात्र विवरण बुझाइए

सम्पत्ति छानविन आयोगमा अपेक्षाभन्दा कम संख्यामा मात्र विवरण बुझाइएको छ।

सर्वोच्चका पूर्वन्यायाधीश राजेन्द्रकुमार भण्डारी नेतृत्वको आयोगले २५ हजारभन्दा बढी बहालवाला, अवकाशप्राप्त कर्मचारी र राजनीतिक पदाधिकारीलाई विवरण पेश गर्न आग्रह गरे पनि हालसम्म १० हजारले मात्र सम्पत्ति विवरण बुझाएका छन्।

म्याद थप: विवरण नबुझाउनेको संख्या बढेपछि आयोगले म्याद १ महिना थप गरेको छ।

आयोगको काम: २०६२/६३ यता सार्वजनिक पद धारण गरेकाको सम्पत्ति संकलन, प्रमाणिकरण र छानविन गर्ने।

बुझाउने तरिका: आयोगमै गएर, हुलाक वा अनलाइनमार्फत विवरण बुझाउन सकिने।

बैशाख २ गते सरकारले गठन गरेको यो आयोगमा पूर्वन्यायाधीश चण्डीराज ढकाल, पुरुषोत्तम पराजुली, पूर्वडीआईजी गणेश कार्की र चार्टर्ड एकाउन्टेन्ट प्रकाश लम्साल सदस्य छन्।