इटहरी गोल्डकपः एनआरटीलाई हराउँदै सगरमाथा सेमिफाइनलमा

सुनसरी । न्यूरोड टिम एनआरटी फुटबल क्लबलाई १–० गोलअन्तरले पराजित गर्दै सगरमाथा युथ क्लब १५औँ अन्तरराष्ट्रिय आमन्त्रण कन्ट्रोल लुब्रिकेन्ट्स इटहरी गोल्डकप प्रतियोगिताको सेमिफाइनलमा प्रवेश गरेको छ ।

इटहरी रङ्गशालामा भएको दोस्रो क्वाटरफाइनलमा छैटौँ मिनेटमा सगरमाथाका खेलाडी रिचार्डले गोल गरेका थिए । सो गोल नै निर्णायक बन्न पुग्यो । विदेशी खेलाडी रिचार्ड नै आजको खेलको म्यान अफ दी म्याच घोषित भए । उनले १० हजार नगद प्राप्त गरे । फागुन १० गतेसम्म सञ्चालन हुने प्रतियोगितामा आठ टोलीको सहभागिता छ । सोमबार तेस्रो क्वाटरफाइनल खेलमा मच्छिन्द्र फुटबल क्लब र झापा–११ फुटबल क्लबबीच प्रतिस्पर्धा हुने आयोजकले जनाएको छ ।