लगातार दोस्रो जिततर्फ फ्रान्सको पाइला: पहिलो हाफको समाप्तिमा इराकमाथि १–० को अग्रता

काठमाडौँ । फिफा विश्वकप २०२६ को समूह ‘आई’ अन्तर्गत मंगलबार बिहान भइरहेको खेलको पहिलो हाफ समाप्त भएको छ । नेपाली समय अनुसार मंगलबार बिहान २ः४५ बजे सुरु भएको यस खेलमा फ्रान्सले इराकविरुद्ध १–० को सुरुवाती अग्रता कायम गरेको छ ।

फ्रान्सका लागि कप्तान किलियन एम्बाप्पेले खेलको १४ औँ मिनेटमा गोल गर्दै टोलीलाई अग्रता दिलाएका हुन् । खेल सुरु भएको केही समयमै आक्रामक देखिएको फ्रान्सका लागि एम्बाप्पेले गरेको यो गोल नै पहिलो हाफमा निर्णायक साबित भयो ।

जारी विश्वकपमा फ्रान्सको यो दोस्रो खेल हो । यसअघि भएको आफ्नो पहिलो खेलमा फ्रान्सले सेनेगललाई ३–१ गोल अन्तरले पराजित गर्दै शानदार सुरुवात गरेको थियो । सेनेगलविरुद्धको खेलमा पनि एम्बाप्पेले दुई गोल गरेका थिए । आजको खेलमा पनि गोल गर्दै उनले आफ्नो लयलाई कायम राखेका छन् ।