जन्तेढुङ्गा

‘जन्तेढुङ्गा ।’ एउटा पृथक् नाम । पृथक् पहिचान । पृथक् विगत बोकेको शिला–स्तम्भ । सत्ययुग देखिको किम्बदन्ती–कथामा भनिँदै, सुनिँदै आएको विम्ब । मेरो गाउँको अनौठो ‘शान’ । मेरो प्यारो जन्तेढुङ्गा ! अहिले गाउँपालिकाको नाउँ पनि ‘जन्तेढुङ्गा’ !

विशाल चट्टानमा आकृतिहरूको अचम्मकै बनौट । जन्तीहरूका लस्करमा आकारको पृथक् संरचना । अनौठो आश्चर्यको एउटा पाटो । रहस्यले भरिएको अनुसन्धानको पखाईमा रहेको ‘जन्तेढुङ्गा’ । नामै अनौठो, रहस्यमय र हेर्दा पनि अचम्मै लाग्ने ठाउँ यो ।