२५८ उद्योगका लागि १ खर्ब ८४ अर्ब लगानी

काठमाडौं । चालू आर्थिक वर्षको दोस्रो त्रैमाससम्ममा २ सय ५८ वटा स्वदेशी तथा विदेशी उद्योग स्थापनाका लागि १ खर्ब ८४ अर्ब १३ करोड रुपैयाँ लगानीको प्रस्ताव स्वीकृत गरिएको छ ।

उद्योग विभागले गत साउनदेखि फागुनसम्ममा स्वदेशी उद्योगका लागि १ खर्ब ५५ अर्ब रुपैयाँ लगानी स्वीकृत गरेको हो । विभागले ८ महिनाको अन्तरालमा २९ अर्ब १३ करोडको विदेशी लगानी प्रस्ताव स्वीकृत गरेको पनि जनाएको छ ।