द रेड सुटकेसको टिजरमा प्रविण हाबी

काठमाडौं । चलचित्र ‘द रेड सुटकेस’ को टिजर सोमबार रिलिज गरिएको छ । नयाँ वर्ष २०८१ को अवसर पारेर यही ३० चैतमा यो चलचित्र रिलिज हुँदै छ । यो चलचित्रमा सौगात मल्ल, विपिन कार्की, सृष्टि श्रेष्ठ, प्रवीण खतिवडालगायतको मुख्य भूमिका रहेको छ ।

भेनिस चलचित्र फेस्टिभलमा दुई–दुईवटा अवार्ड जित्न सफल यो चलचित्रको निर्माण संस्था आईसफल प्लसको युट्युब च्यानलबाट टिजर रिलिज गरिएको हो । टिजरमा अभिनेता प्रविण खतिवडा मात्र देखिएका छन् । उनी र रातो सुटकेसलाई महत्व दिइएको छ ।