महाजात्रालाई १० मा ९.५ नम्बर दिन्छु : केपी ओली

महाजात्रालाई १० मा ९.५ नम्बर दिन्छु : केपी ओली

१३ चैत, काठमाडौं । नेपाल कम्युनिष्ट पार्टी 'एमाले'का अध्यक्ष तथा पूर्वप्रधानमन्त्री केपी शर्मा ओलीले फिल्म ‘महाजात्रा’ हेरेपछि १० नम्बर मा ९.५ नम्बर दिएका छन् । सोमबार बेलुकी सुन्धारास्थित सिने डी सेफमा आफ्नी श्रीमती राधिका शाक्यसहित फिल्म हेर्न पुगेका ओलीले भरपुर इन्जोय गरेको बताए ।

‘फिल्मलाई १० मा १० अङ्क दिन केही राजनीतिका विषयले रोक्यो, त्यसकारण ०.५ घटाए । फिल्म राम्रो बन्न संदेश दिने कथा र त्यसलाई सम्प्रेषण गर्ने अभिनय चाहिन्छ, यी दुवै पक्ष महाजात्रामा सशक्त छन् । यसले बाटो विराएकालाई सही मार्गमा हिड्न प्रेरणा दिन्छ’, अध्यक्ष ओलीले भने,‘यसले पहिलो हाफमा मनोरञ्जन र दोस्रो हाफमा संदेश दिएको छ । फिल्म काल्पनिक कथामा बन्छ र राजनीति यथार्थमा चल्छ । त्यसकारण फिल्मबाट गलत कार्यमा लागेकालाई सही बन्न प्रेरणा मिल्छ ।’

अध्यक्ष ओलीसँगै ईश्वर पोखरेल, शंकर पोखरेल, प्रदीप ज्ञवाली, रघुजी पन्त, कोमल ओली लगायतका ४० नेताले फिल्म हेरेका थिएँ । फिल्म अवधिभर मनोरञ्जनसँगै संदेश पनि प्राप्त गरेको गायिका तथा नेत्री कोमल ओलीले बताईन् ।

‘फिल्मको सुरुआत देखि नै म हाँसी रहे, फिल्म त्यतिमै सिमित छैन । यसले भ्रष्टचार विरोधी भावना उजागर गर्नुपर्छ, राजनीति गर्नेले सही रुपमा राजनीति गर्नुपर्छ भन्ने संदेश दिएको छ । मैले यो शृङ्खलाका सबै फिल्म हेरेकी छु, यसमा महिलालाई सम्मान गरेर बनाइएको छ । तपाइँ पनि नजिकको फिल्म हलमा गएर हेर्नुस्, यो निकै राम्रो र रमाइलो बनेको छ’, नेत्री ओलीले भनिन् ।

अध्यक्ष ओलीसहित फिल्म हेर्न उपस्थित सम्पूर्ण नेतालाई निर्देशक प्रदीप भट्टराई, अभिनेता हरिवंश आचार्य, विपिन कार्की, रवीन्द्रसिंह बानियाँ, अरविन खड्का लगायतले भेटेर धन्यवाद दिएका थिए ।

‘हाम्रो फिल्मलाई समय निकालेर हेर्नुका साथै उठान गरिएको विषयलाई महसुश गरिदिनु भएकोमा कृतज्ञ छौँ । यसपटक हामीले फिल्मलाई मनोरञ्जनमै सिमित नराखी फिल्मकर्मीको दायित्व बहन गर्दै संदेशसमेत दिएका छौँ’, निर्देशक भट्टराईले भने,‘दर्शकसँगै राजनीतिज्ञबाट प्राप्त गरिरहेको प्रतिक्रियाले हामीलाई ऊर्जा थपेको छ । आगामी दिनमा कसरी अगाडि बढ्ने भन्ने मार्गनिर्देश समेत गरेको छ ।’ फिल्मलाई अध्यक्ष ओली अगाडि पूर्वरानी कोमल राज्यलक्ष्मी देवी शाह र उपप्रधानमन्त्री तथा गृहमन्त्री रवि लामिछानेले हेरिसकेका छन् ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको तेस्रो भाग ‘महाजात्रा’ ले तीन दिनमा चार करोड २६ लाख रुपैयाँको ग्रस कलेक्सन गरेको छ । निर्माण पक्षले पहिलो दिन एक करोड २३ लाख, दोस्रो दिन एक करोड ८३ लाख र तेस्रो दिन एक करोड २० लाख रुपैयाँको ग्रस कलेक्सन गरेको जानकारी दिएको छ ।

चैत ९ गतेदेखि नेपालसँगै विश्वभर एकसाथ प्रदर्शन भइरहेको फिल्म ‘महाजात्रा’ ले दर्शकबाट शत प्रतिशत सकारात्मक ‘वर्ड अफ माउथ’ प्राप्त गरिरहेको छ । प्राप्त प्रतिक्रिया र दर्शकको चाँप हलमा निरन्तर बढेपछि प्रदर्शकले शो सङ्ख्या समेत बढाएका छन् ।

आपतकालीन रुपमा आइपर्ने पैसा व्यवस्थापन गर्ने अवसर र त्यसले निम्त्याउने समस्यालाई रोचक शैलीमा प्रस्तुत गरिने ‘महाजात्रा’मा हरिवंश आचार्य, विपिन कार्की, रविन्द्रसिंह बानियाँ, वर्षा राउत, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको अभिनय रहेको छ । फिल्मलाई म्याक्स दीपेश खत्री र यज्ञश्वर पौडेलले संयुक्त रुपमा निर्माण गरेका हुन् ।

मनोरञ्जन

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप

सम्बन्धित पोस्ट

पहिलो नेपाली एनिमेटेड फिल्म ‘सलिना’को ट्रेलर सार्वजनिक

चैत १३, २०८० मंगलबार

सातौँ ग्लोबल नेपाली फिल्म अवार्ड सेप्टेम्बर २८ मा अमेरिकाको न्युयोर्कमा हुने

चैत १२, २०८० सोमबार

प्रदिप शाहीको चलचित्रमा प्रदिप खड्का संगै विजय लामा

चैत १२, २०८० सोमबार

नेपालबहस ट्रेन्डिङ

आस र डर त्रासमा कांग्रेस, के हो देउवा र रविको भित्री कुरा ?

केदार भट्टराई (काका)

चैत १२, २०८० सोमबार

सशस्त्रका एसएसपी कुँवरको डीआईजी हुने सपनामा कालो बादल !

नेपालबहस संवाददाता

चैत १२, २०८० सोमबार

टेरामक्स रोक्ने मुख्यसचिवको दौड, किन हच्किए राई ?

नेपालबहस संवाददाता

चैत १२, २०८० सोमबार

मदिराको निहुँमा झडप हुँदा २ जनाको मृत्यु, १८ जना पक्राउ

नेपालबहस संवाददाता

चैत १२, २०८० सोमबार

Tweets by nepalbahas

लोकप्रिय

१

आस र डर त्रासमा कांग्रेस, के हो देउवा र रविको भित्री कुरा ?

चैत १२, २०८० सोमबार

२

सशस्त्रका एसएसपी कुँवरको डीआईजी हुने सपनामा कालो बादल !

चैत १२, २०८० सोमबार

३

टेरामक्स रोक्ने मुख्यसचिवको दौड, किन हच्किए राई ?

चैत १२, २०८० सोमबार

छुटाउनुभयो कि?

उच्च रक्तचाप र मधुमेहका बिरामीलाई नगरपालिकाद्वारा आर्थिक सहयोग

चैत १३, २०८० मंगलबार

पहिलो नेपाली एनिमेटेड फिल्म ‘सलिना’को ट्रेलर सार्वजनिक

चैत १३, २०८० मंगलबार

महाजात्रालाई १० मा ९.५ नम्बर दिन्छु : केपी ओली

चैत १३, २०८० मंगलबार

सबैभन्दा बढी अर्बपति बस्ने विश्वको तेस्रो शहर 'मुम्बई'

चैत १३, २०८० मंगलबार

स्याङ्जाका सरकारले एक अर्ब १२ करोड अनुदान पाउने

चैत १३, २०८० मंगलबार

प्रि-ओपन सेसनमा नेप्से बढ्यो

चैत १३, २०८० मंगलबार