घटनाप्रति प्रधानमन्त्री ओलीद्वारा दुःख व्यक्त, छानबिन समिति बनाइने

प्रधानमन्त्री केपी शर्मा ओलीले जेनजी पुस्ताले सोमबार आह्वान गरेको प्रदर्शनका क्रममा भएको घटनाप्रति दुःख व्यक्त गर्दै घटनाले आफूलाई मर्माहत बनाएको बताउनुभएको छ । घटनाबारे आफ्नो भनाइ सार्वजनिक गर्दै प्रधानमन्त्री ओलीले १५ दिनभित्र प्रतिवेदन पेस गर्नेगरी छानबिन समिति गठन गर्ने बताउनुभएको छ ।

“आजको घटनाका मृतकको परिवारलाई सरकारले उचित राहतको व्यवस्था गर्ने छ । घाइतेहरुको निःशुल्क उपचारको व्यवस्था गर्नेछ । आजको सम्पूर्ण घटनाक्रम र क्षति एवं त्यसको अवस्था र कारण समेतको छानबिन र विश्लेषण गरी आगामी दिनमा यस्ता दुर्घटनाहरु हुन नदिन चालिने कदमहरुको सिफारिस समेत गर्नका लागि १५ दिनभित्र प्रतिवेदन पेश गर्नेगरी छानविन समिति गठन गरिने विश्वास दिलाउन चाहन्छु” उहाँले भन्नुभएको छ ।