गृहमन्त्रीको राजीनामाले पुग्दैन, प्रधानमन्त्रीको जवाफदेही खोइ ?

प्रमुख प्रतिपक्षी दलहरुसँगमात्र होइन सत्तामा रहेको कांग्रेसको एउटा खेमा समेत सरकारसँग असन्तुष्ट थियो। कांग्रेसको आन्तरिक विवादले सरकार कमजोर बनाउँदै गरेको बेला एमालेभित्रको विद्या भण्डारी समूह पनि अहिलेका प्रधानमन्त्री एवं एमाले अध्यक्ष केपी ओलीसँग असन्तुष्ट बन्यो।

पार्टीभित्रको असन्तुष्टिलाई निरुपण नगर्दै सरकारमा सहभागी भएका मन्त्रीहरुको विभिन्न काण्डहरु बाहिर आउन थाले। सहकारी प्रकरणमा मुछिएका रास्वपाका सभापति रवि लामिछानेले आफूलाई सरकारले प्रतिशोध साँधेको भाष्य निर्माण गर्दै जाँदा सरकार पक्षमा रहेका केही नेताहरुले एकपछि अर्को कमजोरी गर्दै गए।