विश्वकप फुटबलः अर्जेन्टिना नकआउट चरणमा, मेस्सीको कीर्तिमान

कप्तान लियोनल मेस्सीको २ गोलको मद्दतमा अर्जेन्टिना जारी विश्वकप फुटबलको समूह चरणको शीर्ष स्थानमा रहँदै नकआउट चरणमा प्रवेश गरेको छ । मंगलबार बिहान सम्पन्न खेलमा अर्जेन्टिनाले अष्ट्रियालाई २–० गोलअन्तरले पराजित गरेको हो ।

अमेरिकाको डालास स्टेडियममा मेस्सीले खेलको ३८औँ मिनेटमा पहिलो गोल गर्दै अर्जेन्टिनालाई अग्रता दिलाए । त्यसपछि खेलको दोस्रो हाफको अतिरिक्त समयमा उनले व्यक्तिगत दोस्रो गोल गर्दै आफनो देशको जित सुनिश्चित गरे । जितसँगै अर्जेन्टिनाका कप्तान मेस्सीले जर्मनीका मिरोस्लाभ क्लोजको नाममा रहेको १६ गोलको कीर्तिमानलाई पछि पार्दै विश्वकपमा सर्वाधिक गोल गर्ने खेलाडी बनेका छन् ।

मेस्सीले आजको खेलसँगै विश्वकपमा १८ गोल गरिसकेका छन् । यसअघि अल्जेरियाविरुद्धको पहिलो खेलमा अर्जेनिन्टना विजयी हुँदा मेस्सीले ह्याट्रिक गोल गरेका थिए । समूह ‘जे’ मा रहेको अर्जेन्टिना लगातार दोस्रो जित निकाल्दै ६ अङ्क जोडेर अङ्क तालिकाको शीर्ष स्थानमा रहेको छ ।

त्यस्तै पराजित अष्ट्रिया दुई खेलबाट ३ अङ्क जोड्दै दोस्रो स्थानमा छ । यसै समूहमा रहेका जोर्डन र अल्जेरिया अङ्कबिहीन छन् । उनीहरुले समान १-१ खेल खेलेका छन् ।

सम्बन्धित समाचार

फिफा विश्वकपः मोरक्कोसँग बराबरीमा रोकियो ब्राजिल

‘मिस्टर महानगर’को उपाधि सगेन्द्रलाई

नेदरल्यान्डलाई जापानले २–२ को बराबरीमा राक्यो

आइभरी कोस्टका लागि ९० औं मिनेटमा निर्णायक गोल, इक्वेडर स्तब्ध

विश्वकप फुटबलः स्पेन र केप भर्डेलबीचको खेल गोलरहित बराबरी

केप भार्डे, जसले विश्व चकित बनायो

फ्रान्सको जीतमा एम्बाप्पेको २ गोल

सहआयोजक मेक्सिको नकआउट चरणमा